Elmar

Il segund cudesch da l’URG è „Elmar“.

Elefants èn grischs. Quai è adina stà uschia e quai e gist uschia. Però dal triep en quest cudesch fa part Elmar. Elmar n’è betg grisch. El ha ina pel da tuttas colurs, sco ina cultra da patchwork. Ma i n’èn betg mo quels quadrins da colur. Elmar è era anc adina da buna luna. Trasora fa Elmar lumparias e filistuccas, el sa metta adina en il center e na sa zuppa betg, quai che tutgass per in animal uschè singular.
Ma in bel di basti era ad Elmar. El vul vesair ora sco ils auters, betg pli dar en egl cun sias colurs e ses quadrins. Ma munta vesair or tuttina sco ils auters era d’esser sco ils auters? Elmar fa scuvertas surprendentas cura ch’el emprova d’esser sco ils auters.
L’istorgia scritta ed illustrada da David McKee deriva da l’Engalterra ed è là in classicher tranter las istorgias per uffants. L’Uniun Rumantsch Grischun è loscha da pudair preschentar gia sia segunda publicaziun da quest onn; il Elmar en rumantsch.

Il cudesch custa francs 22.- e po vegnir retratgs tar la Lia Rumantscha e tar tut las librarias che vendan cudeschs rumantschs.

La cuviarta dal cudesch "Elmar"

La cuviarta dal cudesch "Elmar"